Ziyarətnamə: İmam Hüseynin (ə) istənilən vaxt yerinə yetirilən mütləq ziyarəti — 2

İmam Hüseynin(ə) yaxından 2 növ ziyarəti vardır:
1) Mütləq ziyarəti (müəyyən vaxta məxsus olmayan ziyarətdir, istənilən vaxt yerinə yetirmək olar)
2) Məxsus ziyarəti (müəyyən vaxtlara təyin olunmuş ziyarət)
Birinci növ ziyarətnamələrin sayı çox olduğu üçün biz burada onlardan yalnız bir neçəsini sizin üçün qeyd edirik.

Şeyx Kuleyni və həmçinin İbn Qavlaveyh yazırlar ki, Süleyman ibn Həfz Mərzəvi imam Əli Nəqidən (ə) nəql edir ki, o həzrət belə buyurub[1]: “İmam Hüseynin (ə) məzarı kənarında bu ziyarətnaməni oxu:

İmam Hüseyn ziyarəti_20

Transkripsiya	Tərcümə	Ərəbcə
Əssəlamu ələykə ya Əba Əbdillah	Salam olsun sənə, ey Əba-Əbdillah!	السَّلامُ عَلَيْكَ يَا أَبَا عَبْدِ اللَّهِ
əssəlamu ələykə ya huccətəllahi fi ərzihi və şahidəhu əla xəlqih	Salam olsun sənə, ey Allahın yer üzündəki höccəti və məxluqatına şahidi!	السَّلامُ عَلَيْكَ يَا حُجَّةَ اللَّهِ فِي أَرْضِهِ وَ شَاهِدَهُ عَلَى خَلْقِهِ
Əssəlamu ələykə yəbnə Rəsulillah, Əssəlamu ələykə yəbnə Əliyyinil Murtəza, əssəlamu ələykə yəbnə Fatimətəz Zəhra	Salam olsun sənə, ey Rəsulullahın övladı! Salam olsun sənə, ey Əli Mürtəzanın oğlu! Salam olsun sənə, ey Fatimeyi-Zəhranın oğlu!	السَّلامُ عَلَيْكَ يَا ابْنَ رَسُولِ اللَّهِ السَّلامُ عَلَيْكَ يَا ابْنَ عَلِيٍّ الْمُرْتَضَى السَّلامُ عَلَيْكَ يَا ابْنَ فَاطِمَةَ الزَّهْرَاءِ
əşhədu ənnəkə qəd əqəmtəs səlatə və atəytəz zəkatə və əmərtə bil mə`ruf və nəhəytə ənil munkər	Şəhadət verirəm ki, həqiqətən, sən şəhadətə qovuşana qədər namazı bərpa etdin, zəkat verdin, (insanları) yaxşılıqlara dəvət etdin, pisliklərdən çəkindirdin	أَشْهَدُ أَنَّكَ قَدْ أَقَمْتَ الصَّلاةَ وَ آتَيْتَ الزَّكَاةَ وَ أَمَرْتَ بِالْمَعْرُوفِ وَ نَهَيْتَ عَنِ الْمُنْكَرِ
və cahədtə fi səbilillah hətta ətakəl yəqin. fə salləllahu ələykə həyyən və məyyita.	və Allah yolunda layiqincə cihad etdin! Diri və şəhid ikən Allahın salamı olsun sənə!	وَ جَاهَدْتَ فِي سَبِيلِ اللَّهِ حَتَّى أَتَاكَ الْيَقِينُ فَصَلَّى اللَّهُ عَلَيْكَ حَيّا وَ مَيِّتا

Sonra sağ yanağını qəbrin üzərinə (zərihə) qoyub de:

İmam Hüseyn ziyarəti_21

Transkripsiya	Tərcümə	Ərəbcə
Əşhədu ənnəkə əla bəyyinətin min rəbbikə ci`tu muqirrən biz zunubi litəşfəu li ində rəbbik, yəbnə Rəsulillah.	Şəhadət verirəm ki, həqiqətən, sənin (öz işlərinlə bağlı) Rəbbin tərəfindən aydın dəlil və sübutun var idi! Ey Rəsulullahın övladı, mən günahlarımı iqrar etdiyim halda, hüzuruna gəlmişəm ki, Rəbbinin dərgahında mənə şəfaət edəsən!	أَشْهَدُ أَنَّكَ عَلَى بَيِّنَةٍ مِنْ رَبِّكَ جِئْتُ مُقِرّا بِالذُّنُوبِ لِتَشْفَعَ لِي عِنْدَ رَبِّكَ يَا ابْنَ رَسُولِ اللَّهِ

Sonra imamların hər birinin adını çəkə-çəkə de:

Ərəbcə	أَشْهَدُ أَنَّكُمْ حُجَجُ اللَّهِ
Tərcümə	Şəhadət verirəm ki, həqiqətən, siz Allahın höccətlərisiniz!
Transkipsiya	Əşhədu ənnəkum hucəcullah.

Daha sonra bu cümləni de:

İmam Hüseyn ziyarəti_23

Transkripsiya	Tərcümə	Ərəbcə
Uktub li indəkə misaqən və əhda, inni ətəytukə mucəddidənil misaq	Öz yanında mənim üçün əhd-peyman yaz! Mən həmin əhd-peymanı yeniləmək üçün hüzuruna gəlmişəm	اكْتُبْ لِي عِنْدَكَ مِيثَاقا وَ عَهْدا إِنِّي أَتَيْتُكَ مُجَدِّدا الْمِيثَاقَ
fəşhəd li ində rəbbikə əntəş şahid.	Elə isə Rəbbinin dərgahında mənim xeyrimə şəhadət ver ki, həqiqətən, sən (Allah dərgahında) şahidsən!	فَاشْهَدْ لِي عِنْدَ رَبِّكَ اِنَّكَ أَنْتَ الشَّاهِدُ

Mənbə:
[1] İbn Qavlaveyh — Kamiluz-ziyarat, bölüm 79, səh 210, hədis 7