TAM Qarın ağrısı üçün oxunan dualar ve edilən əməllər
1. Həzrət Peyğəmbərdən (s) nəql olunmuşdur ki, balı isti su ilə qarışdırıb şərbət düzəldin və ona 7 dəfə “Həmd” surəsini oxuyun, sonra için! Rəvayət olunmuşdur ki, bir şəxs Həzrət Peyğəmbərin (s) hüzuruna gedib, o həzrətə qardaşının qarın ağrısından şikayət etdi. Həzrət buyurdu: “Qardaşına de ki, balı isti suya qarışdırıb içsin.” Həmin şəxs qayıdıb bunları qardaşına dedi. O da Peyğəmbərin (s) göstərişinə əməl etdi, lakin heç bir fayda vermədi. Sabahısı gün yenidən həmin şəxs Peyğəmbərin (s) yanına gedib, qardaşının sağalmamısını xəbər verdi. Həzrət buyurdu: “Sədəqəllahu və kəzəbə bətnu əxikə (Allah taala düzgün buyurub, sənin qardaşının qarnı yalan danışır).” Get, baldan hazırlanmış şərbətə 7 dəfə “Həmd” surəsini oxu və onu qardaşına içirt. Həmin şəxs getdikdən sonra həzrət Peyğəmbər (s) Əmirəlmöminin Əliyə (ə) buyurdu: «Ya Əli! Bu kişinin qardaşı münafiqdir, ona görə də şərbət ona heç bir fayda vermədi.»
2. Həzrət Əmirəl-möminin Əlidən (ə) rəvayət olunmuşdur ki, isti su içib deyin:
| Transkripsiya | Tərcümə | Ərəbcə |
|---|---|---|
| Ya Əllahu ya Əllahu ya Əllah, ya rəhmanu ya rəhimu ya rəbbəl ərbab, ya ilahəl alihəti ya məlikəl muluk, ya səyyidəs sadət, | Ya Allah, ya Allah, ya Allah! Ey bağışlayan və mehriban! Ey bəsləyənlərin bəsləyəni, ey məbudların məbudu, ey padşahların padşahı, ey sərvərlərin sərvəri! | يَا اَللهُ يَا اَللهُ يَا اَللهُ، يَا رَحْمَانُ يَا رَحيمُ، يَا رَبَّ الاَرْبَابِ، يَا اِلَهَ الْآلِهَةِ، يَا مَلِكَ الْمُلُوكِ، يَا سَيِّدَ السَّادَةِ |
| işfini bişəfaik, min kulli dain və suqm, fəinni əbdukə vəbnu əbdikə ətəqəlləbu fi qəbzətik. | Öz afiyətinlə mənim bütün dərd və xəstəliklərimə şəfa ver ki, mən Sənin qüdrət əlindən dəyişən bəndən və iki bəndənin oğluyam! | اشْفِني بِشِفَائِكَ، مِنْ كُلِّ دَاءٍ وَ سُقْمٍ، فَاِنّي عَبْدُكَ وَابْنُ عَبْدَيْكَ، اَتَقَلَّبُ في قَبْضَتِكَ |
3. Həmçinin qarın və başqa üzvlərin ağrısının aradan qaldırılması üçün əlini ağrı hiss etdiyin yerə qoyub, 7 dəfə de:
| Ərəbcə | اَعُوذُ بِعِزَّةِ اللهِ وَ جَلالِهِ مِنْ شَرِّ مَا اَجِدُ |
| Tərcümə | Mənə üz gətirən dərdin şərindən Allahın izzət və calalına pənah aparıram |
| Transkripsiya | Əuzu biizzətillahi və cəlalihi min şərri ma əcid |
Sonra sağ əlini ağrı olan yerə qoyub 3 dəfə “Bismillah” desin.
Mənbə: Şeyx Abbas Qummi — Məfatihul-cinan kitabı
