Zilzal surəsi
Zilzal (Zəlzələ) surəsinin fəziləti
Peyğəmbərin belə buyurduğu nəql olunur: “Hər kəs bu surəni dörd dəfə oxusa, elə bil, bütün Quranı oxumuşdur”.
| Ayə | Transkripsiya | Tərcümə | Ərəbcə |
|---|---|---|---|
| № | Bismillahir rəhmanir rəhim | Bağışlayan və mehriban Allahın adı ilə | بسم الله الرحمن الرحيم |
| 1 | İza zulzilətil ərzu zilzaləha | Yer özünə məxsus (yaradılışın tarixində yalnız bircə dəfə baş verəcək) bir titrəyişlə titrədiyi zaman, | إِذَا زُلْزِلَتِ الْأَرْضُ زِلْزَالَهَا |
| 2 | Və əxrəcətil ərzu əsqaləha | Yer öz qiymətli yüklərini və çox dəyərli mallarını (ölüləri, mədənləri və xəzinələri) çıxarıb atacağı zaman | وَأَخْرَجَتِ الْأَرْضُ أَثْقَالَهَا |
| 3 | Və qaləl insanu ma ləha | Və (onun köksündən çıxan) insan (təəccüb və dəhşətlə): «Buna, nə olub?!»- deyəcəyi zaman | وَقَالَ الْإِنسَانُ مَا لَهَا |
| 4 | Yəvməizin tuhəddisu əxbarəha | Məhz o gün yer öz xəbərlərini açıb söyləyər. (Köksündəkiləri çıxarıb atmağı onun elə danışmasıdır. Yaxud da o elə dilə gələrək danışar). | يَوْمَئِذٍ تُحَدِّثُ أَخْبَارَهَا |
| 5 | Biənnə rəbbəkə əvha ləha | Ona görə ki, sənin Rəbbin ona vəhy etmişdir. | بِأَنَّ رَبَّكَ أَوْحَى لَهَا |
| 6 | Yəvməizin yəsdurun nasu əştatən liyurəv ə`maləhum | O gün insanlar əməllərinin (haqq-hesabının) özlərinə göstərilməsi üçün (qəbirlərdən) dəstə-dəstə çıxıb (haqq-hesab səhnəsinə tərəf) gələrlər və əməlləri(nin qarşılığı, ya eyni ilə təcəssümü) onlara göstərilsin deyə (haqq-hesab mərkəzindən öz əbədi məskənlərinə doğru) çıxarlar. | يَوْمَئِذٍ يَصْدُرُ النَّاسُ أَشْتَاتًا لِّيُرَوْا أَعْمَالَهُمْ |
| 7 | Fəmən yə`məl misqalə zərrətin xəyrən yərəh | Hər kim bir zərrə ağırlığında yaxşı iş görmüşsə, onu(n qarşılığını, yaxud eyni ilə təcəssümünü) görəcəkdir. | فَمَن يَعْمَلْ مِثْقَالَ ذَرَّةٍ خَيْرًا يَرَهُ |
| 8 | Və mən yə`məl misqalə zərrətin şərrən yərəh | Və hər kim bir zərrə ağırlığında pis iş görmüşsə, onu görəcəkdir. | وَمَن يَعْمَلْ مِثْقَالَ ذَرَّةٍ شَرًّا يَرَهُ |
