İslam aylarının əməlləri: Rəcəb ayının birinci günü — Rəcəb ayı, 1-ci gün

Çox şərafətli gündür. Buradada Rəcəb ayının 1-ci gecəsi kimi bir sıra əməlləri yerinə yetirmək tövsiyə olunur:
1) Oruc tutmaq. Hədislərin birində İmam Rza (ə) Rəcəb ayının 1-ci gününün orucuna verilən böyük savabları bəyan etmişdir. Başqa bir hədisdə İmam Baqir (ə) buyurur ki, Rəcəb ayının 1-ci günü Həzrət Nuh (ə) gəmiyə mindi. O həzrət sözünün davamında buyurdu: «Bu gün Nuh (ə) gəmiyə mindikdə onunla birlikdə olan insanlara əmr verdi ki, oruc tutsunlar. Hər kim bu gün oruc tutsa, cəhənnəm odu bir illik məsafə qədər ondan uzaq olar».[1]
2) Qüsl almaq.[2]
3) İmam Hüseyni (ə) ziyarət etmək. Şeyx Kəfəmi və Şeyx Tusi Bəşir Dəhhanın İmam Sadiqin(ə) belə buyurduğunu yazır: «Hər kim Hüseyn ibn Əlini (ə) Rəcəb ayın əvvəli ziyarət edə, mütləq Allah Təala onu bağışlayar».[3]
4) Сənab Salmanın namazın qılmaq: Namaz 10 rəkətdir (iki rəkət-iki rəkət). Hər rəkətdə 1 dəfə «Həmd» surəsindən sonra 3 dəfə «İxlas» və 3 dəfə «Kafirun» surələrini oxumaq lazımdır. Hər salamdan sonra əlləri göyə qaldırıb desin:

Ərəbcə	لَا إِلٰهَ اِلَّا اللهُ، وَحْدَهُ لَا شَرِیکَ لَهُ، لَهُ الْمُلْکُ وَ لَهُ الْحَمْدُ، یُحْیِى وَ یُمِیتُ، وَ هُوَ حَىٌّ لَا یَمُوتُ، بِیَدِهِ الْخَیْرُ، وَ هُوَ عَلَىٰ کُلِّ شَىْءٍ قَدِیرٌ
Tərcümə	Allahdan başqa heç bir tanrı yoxdur. O birdir və şəriksizdir. Mülk (səltənət, hakimiyyət) və həmd yalnız Ona məxsusdur. Dirildir və öldürür. Heç vaxt ölməyən diri (varlıq) Odur. Xeyir yalnız Onun əlindədir və O, hər bir şeyə qadirdir.
Transkripsiya	Lə ilahə illəllah vəhdəhulə şərikə ləh, ləhul mulku ləhul həmd, yuhyi və yumitu, və huvə həyyun lə yəmutu biyədihil xəyr və huvə əla kulli şəy`in qədir.

Sonra desin:

Ərəbcə	اَللَّهُمَّ لَا مَانِعَ لِمَا اَعْطَیْتَ، وَ لَا مُعْطِىَ لِمَا مَنَعْتَ، وَ لَا یَنْفَـعُ ذَا الْجَـدِّ مِنْـکَ الْجَـدُّ
Tərcümə	İlahi, əta etməyinə heç bir maneə yoxdur, əta edən bir şəxs də yoxdur ki, Sən ona mane olasan və çalışan şəxsin çalışqanlığı onu Səndən ehtiyacsız etməz!
Transkripsiya	Əllahummə lə məni`ə limə ə`taytə və la mu`tiyə limə mənə`tə və la yənfəu zəl minkəl cədd.

Sonra əllərini üzünə çəksin.
Ayın ortasında (Rəcəb ayının 15-ci günü) da bu namazı elə bu tərzdə qılsın. Hər salamdan sonra əlləri göyə qaldırıb desin:

Ərəbcə	لَا إِلٰهَ اِلَّا اللهُ، وَحْدَهُ لَا شَرِیکَ لَهُ، لَهُ الْمُلْکُ وَ لَهُ الْحَمْدُ، یُحْیِى وَ یُمِیتُ، وَ هُوَ حَىٌّ لَا یَمُوتُ، بِیَدِهِ الْخَیْرُ، وَ هُوَ عَلَىٰ کُلِّ شَىْءٍ قَدِیرٌ
Tərcümə	Allahdan başqa heç bir tanrı yoxdur. O birdir və şəriksizdir. Mülk (səltənət, hakimiyyət) və həmd yalnız Ona məxsusdur. Dirildir və öldürür. Heç vaxt ölməyən diri (varlıq) Odur. Xeyir yalnız Onun əlindədir və O, hər bir şeyə qadirdir.
Transkripsiya	Lə ilahə illəllah vəhdəhulə şərikə ləh, ləhul mulku ləhul həmd, yuhyi və yumitu, və huvə həyyun lə yəmutu biyədihil xəyr və huvə əla kulli şəy`in qədir.

  Amma  sonra bu duanı desin:

Ərəbcə	اِلٰهًا وَاحِدًا اَحَدًا فَرْدًا صَمَدًا، لَمْ یَتَّخِذْ صَاحِبَةً وَ لَا وَلَدًا
Tərcümə	O yeganə, bənzərsiz, tək və ehtiyacsız Məbud ki, Özünə yoldaş və övlad götürməmişdir
Transkripsiya	İlahən vahidən əhədən fərdən səmədən ləm yəttəxiz sahibətən və la vələda

Sonra əllərini üzünə çəksin.
Rəcəb ayının sonuncu günü də bu bu tərtiblə qılsın, hər salamdan sonra əlləri göyə qaldırıb desin:

Ərəbcə	لَا إِلٰهَ اِلَّا اللهُ، وَحْدَهُ لَا شَرِیکَ لَهُ، لَهُ الْمُلْکُ وَ لَهُ الْحَمْدُ، یُحْیِى وَ یُمِیتُ، وَ هُوَ حَىٌّ لَا یَمُوتُ، بِیَدِهِ الْخَیْرُ، وَ هُوَ عَلَىٰ کُلِّ شَىْءٍ قَدِیرٌ
Tərcümə	Allahdan başqa heç bir tanrı yoxdur. O birdir və şəriksizdir. Mülk (səltənət, hakimiyyət) və həmd yalnız Ona məxsusdur. Dirildir və öldürür. Heç vaxt ölməyən diri (varlıq) Odur. Xeyir yalnız Onun əlindədir və O, hər bir şeyə qadirdir.
Transkripsiya	Lə ilahə illəllah vəhdəhulə şərikə ləh, ləhul mulku ləhul həmd, yuhyi və yumitu, və huvə həyyun lə yəmutu biyədihil xəyr və huvə əla kulli şəy`in qədir.

Amma  sonra bu duanı desin:

Ərəbcə	وَ صَلَّى اللَّهُ عَلَى مُحَمَّدٍ وَ آلِهِ الطَّاهِرِينَ وَ لا حَوْلَ وَ لا قُوَّةَ إِلا بِاللَّهِ الْعَلِيِّ الْعَظِيمِ
Tərcümə	Allahın salamı olsun Muhəmməd və onun pak Əhlibeytinə! Uca və böyük Allahdan başqa güc və qüdrət yoxdur
Transkripsiya	Və salləllahi əla Muhəmmədin və alihit tahirin, və la həvlə və la quvvətə illa billahil əliyyil əzim

Bunu dedikdən sonra əllərini üzünə çək və öz istəklərini Allahdan dilə, inşaallah həyata keçər.[4] Həzrət Rəsulallah (s) Salmana buyurdu: «Allah bu 30 rəkət namazı qılan hər bir mömin kişi və qadının günahlarını bağışlayar, ona bu ayın hamısını oruc tutan kəsin savabını verər, onu cəhənnəm odundan xilas edər və bu, onun Siratdan keçməsi üçün bir icazənamə olar». Salman deyir: «Həzrət Rəsulallahın (s) bu sözlərini eşitdikdən sonra ağlayaraq səcdəyə getdim və Allaha şükür etdim».[5]
5) Həzrət Salmanın nəql etdiyi digər bir namazı qılmaq: bu namaz da Rəcəb ayının 1-ci günü qılınır və 10 rəkətdir (iki rəkət-iki rəkət qılınır). Hər rəkətdə 1 dəfə «Həmd» və 3 dəfə «Tövhid» surəsi oxunur. Həzrət Rəsulallah (s) Salmana bu namazın savablarını bəyan etmişdir, o cümlədən, günahların bağışlanması, qəbir vəhşətindən və Qiyamət gününün əzabından uzaq olmaq, bəzi xəstəliklərdən (Misal: cüzam və bədəndə ağ ləkələr yaranması xəstəliyi) uzaq olmaq.[6]
6) Seyid ibn Tavus Rəcəb ayının 1-ci günü üçün 4 rəkət namaz nəql edib, maraqlananlar «İqbal» kitabına müraciət edə bilərlər. Bu gündə bir nəqlə əsasən h.q tarixi ilə 57-ci ildə İmam Baqir(ə) anadan olmuşdur. Amma Şeyx Abbas Quminin nəzərində mövlüd səfərin ayının 3-dür. Başqa nəqlə əsasən Rəcəb ayın 2-i hicri qəməri tarixi ilə 212-ci ildə İmam Hadinin(ə) anadan olma günüdür və o həzrətin şəhadəti Rəcəb ayının 3-cü hicri qəməri ilə 254-cü ildə Samirra şəhərində baş vermişdir. İbni Əyyaşın dediyinə görə bu ayın 10-da İmam Cavadın(ə) anadan olma günüdür.

Mənbələr:
[1] Seyid ibn Tavus — İqbal, səh 635,
Şeyx Tusi — Misbahul-mutəhəccid, səh 797
[2] Seyid ibn Tavus — İqbal, səh 628
[3] Şeyx Tusi — Misbahul-mutəhəccid, səh 801
[4] Seyid ibn Tavus — İqbal, səh 637
[5] Seyid ibn Tavus — İqbal, səh 637 və 682
[6] Seyid ibn Tavus — İqbal, səh 637