Ziyarətnamə: Kufə məscidinin əməlləri — 8-ci hissə — İmam Sadiq (ə) məqamının əməlləri
Sonra həzrət imam Sadiqin (ə) məqamına tərəf get və o Muslim ibn Əqilin (ə) məzarının yaxınlığında yerləşir. Orada 2 rəkət namaz qılıb Fatimeyi Zəhranın (s) təsbihatını çevirdikdən sonra belə de:
| Transkripsiya | Tərcümə | Ərəbcə |
|---|---|---|
| Ya saniə kulli məsnu`, və ya cabirə kulli kəsir, və ya hazirə kulli mələ`, və ya şahidə kulli nəcva, və ya alimə kulli xəfiyyəh | Ey bütün məxluqatı yaradan, ey bütün qəlbisınıqlara aramlıq bəxş edən, ey bütün yığıncaqlarda hazır olan, ey bütün sirlərə şahid olan, ey bütün gizli işləri bilən | يَا صَانِعَ كُلِّ مَصْنُوعٍ وَ يَا جَابِرَ كُلِّ كَسِيرٍ وَ يَا حَاضِرَ كُلِّ مَلَإٍ وَ يَا شَاهِدَ كُلِّ نَجْوَى وَ يَا عَالِمَ كُلِّ خَفِيَّةٍ |
| və ya şahidən (şahidu) ğəyrə ğaibin və ya ğalibən (ğalibu) ğəyrə məğlub, və ya qəribən (qəribu) ğəyrə bəid, və ya munisə kulli vəhid | ey qaib olmayan şahid, ey məğlub olmayan qalib, ey uzaq olmayan yaxın, ey bütün təklərin munisi | وَ يَا شَاهِدا [شَاهِدُ] غَيْرَ غَائِبٍ وَ يَا غَالِبا [غَالِبُ] غَيْرَ مَغْلُوبٍ وَ يَا قَرِيبا [قَرِيبُ] غَيْرَ بَعِيدٍ وَ يَا مُونِسَ كُلِّ وَحِيدٍ |
| və ya həyyən hinə la həyyə ğəyruh, ya muhyiyəl məvta və mumitəl əhya, əl qaimə əla kulli nəfsin bima kəsəbət, la ilahə illa ənt, salli əla Muhəmmədin və ali Muhəmməd. | ey diri varlıq olmayan zaman diri olan, ey ölüləri dirildən, diriləri öldürən və qazanan hər bir kəsi qoruyan, Səndən başqa heç bir tanrı yoxdur, Muhəmməd və Muhəmmədin Əhlibeytinə salam yetir! | وَ يَا حَيّا حِينَ لا حَيَّ غَيْرُهُ يَا مُحْيِيَ الْمَوْتَى وَ مُمِيتَ الْأَحْيَاءِ الْقَائِمَ عَلَى كُلِّ نَفْسٍ بِمَا كَسَبَتْ لا إِلَهَ إِلا أَنْتَ صَلِّ عَلَى مُحَمَّدٍ وَ آلِ مُحَمَّدٍ |
Sonra hər nə dua istəsən oxu[1].
Şeyx Abbas Qumi deyir: “Biz bundan əvvəl qeyd etdik və burada yenə də deyirik ki, o məscidin əməllərinin tərtibi “Qədim məzar”da və camaat arasında məşhurdur ki, bu məqamdan sonra Dəkkətul-qəza və Beytut-təştin əməllərini yerinə yetirirlər. Biz “Misbahuz-zair”, “Biharul-ənvar” kitablarına və başqalarına uyğun olaraq, dördüncü sütunun əməllərindən sonra nəql etdik. Sonra əgər istəsən məşhur göstərişə də əməl edəsən oraya müraciət et və bu iki məqamın əməllərini yerinə yetir”.
Mənbələr:
[1] Seyid ibn Tavus — Misbahuz-zair, səh 98,
Əllamə Məclisi — Biharul-ənvar, c 97, səh 425
