Dua: Yatan və yuxudan duran zaman oxunan bəzi dualar toplusu

1) İmam Sadiqdən (ə) nəql olunmuşdur ki, hər kəs bu duanı yatdığı yerdə 3 dəfə oxusa, bütün günahlardan pak olar, eyni ilə anasından olduğu gün kimi, günahsız olar. Dua belədir:

Transkripsiya	Tərcümə	Ərəbcə
Əlhəmdu lillahilləzi əla fəqəhər,	Allaha həmd olsun ki, uca və hakimdir.	اَلْحَمْدُ للهِِ الَّذي عَلا فَقَهَرَ
vəl həmdu lillahilləzi bətənə fəxəbər,	Allaha həmd olsun ki, gizli və agahdır.	وَالْحَمْدُ للهِِ الَّذي بَطَنَ فَخَبَرَ
vəl həmdu lillahilləzi mələkə fəqədər,	Allaha həmd olsun ki, malik və qadirdir.	وَالْحَمْدُللهِِ الَّذي مَلَكَ فَقَدَرَ
vəl həmdu lillahilləzi yuhyil məvta və yumitul əhya,	Allaha həmd olsun ki, ölüləri dirildir və diriləri də öldürür.	وَالْحَمْدُ للهِِ الَّذي يُحْييِ الْمَوْتَى وَ يُميتُ الاَحْيَاءَ
və huvə əla kulli şəy`in qədir.	O, hər bir şeyə qadirdir	وَ هُوَ عَلَى كُلِّ شَيْءٍ قَديرٌ

Bu rəvayəti Səduq və Şeyx də nəql etmişlər. “Uddətud-dai” kitabında İmam Sadiqdən (ə) nəql olunmuşdur ki, bu, “Təhmid” duasını oxuyan şəxsə verilən savabın ən az bir hissəsidir, lakin bu rəvayətdə gözə çarpan fərq bundan ibarətdir ki, qeyd etdiyimiz 2-ci Həmd, 3-cü Həmddən sonra gətirilmişdir.
2) Yenə də o həzrətdən nəql olunmuşdur ki, həzrət Peyğəmbər (s) yatmaq istədiyi zaman “Ayətəl-kürsü”nü oxuduqdan sonra deyirdi:

Ərəbcə	بِسْمِ اللهِ، آمَنْتُ بِاللهِ وَ كَفَرْتُ بِالطَّاغُوتِ، اللَّهُمَّ احْفَظْني في مَنَامي، وَ في يَقظَتي
Tərcümə	Allahın adı ilə! Allaha iman gətirib, bütü inkar etdim. İlahi, məni yatdığım və oyaq olduğum zaman qoru!
Transkripsiya	Bismillahi aməntu billahi və kəfərtu bit tağut, Əllahumməhfəzni fi mənami və fi yəqzəti.

3) Müfəzzəl ibni Ömər nəql etmişdir ki, imam Sadiq (ə) mənə belə buyurdu: “11 dəfə Allaha pənah aparmaqdan ibarət olan bu duanı oxumamışdan öncə yatma.” Dedim: «Onu mənə öyrət.» Buyurdu:

Transkripsiya	Tərcümə	Ərəbcə
Əuzu biizzətillahi və əuzu biqudrətillah,	Allahın izzətinə pənah aparıram. Allahın qüdrətinə pənah aparıram.	اَعُوذُ بِعِزَّةِ اللهِ، وَ اَعُوذُ بِقُدْرَةِ اللهِ
və əuzu bicəlalillahi və əuzu bisultanillah,	Allahın böyüklüyünə pənah aparıram. Allahın səltənətinə pənah aparıram.	وَ اَعُوذُ بِجَلالِ اللهِ، وَ اَعُوذُ بِسُلْطَانِ اللهِ
və əuzu bicəmalillahi və əuzu bidəf`illah,	Allahın camalına pənah aparıram. Allahın müdafiəsinə pənah aparıram.	وَ اَعُوذُ بِجَمَالِ اللهِ، وَ اَعُوذُ بِدَفْعِ اللهِ
və əuzu bimən`illahi və əuzu bicəm`illah,	Allahın qadağasına pənah aparıram. Allahın bütün vəsflərinə pənah aparıram.	وَ اَعُوذُ بِمَنْعِ اللهِ وَ اَعُوذُ بِجَمْعِ اللهِ
və əuzu bimulkillahi və əuzu bivəchillah,	Allahın mülkünə pənah aparıram. Allahın zatına pənah aparıram.	وَ اَعُوذُ بِمُلْكِ اللهِ، وَ اَعُوذُ بِوَجْهِ اللهِ
və əuzu birəsulillahi salləllahu ələyhi və alih, min şərri ma xələqə və bərə və zərə`.	Allahın yaratdıqları və vücuda gətirdiklərinin şərindən Rəsulullaha (Allahın salamı olsun ona və Əhlibeytinə) pənah aparıram!	وَ اَعُوذُ بِرَسُولِ اللهِ، صَلَّي اللهُ عَلَيْهِ وَ آلِهِ، مِنْ شَرِّ مَا خَلَقَ وَ بَرَءَ وَ ذَرَءَ

İstədiyin vaxt bu duanı oxu!
4) İmam Sadiq (ə) buyurmuşdur: «Yatmaq istəyən hər kəs 100 dəfə «İxlas» surəsini oxusa, onun əlli illik günahı bağışlanar.» Yenə də o həzrətdən nəql olunmuşdur ki, hər kəs yatanda, «Kafirun»  və «İxlas» surələrini oxusa, Allah taala onun şirkdən uzaq olmasını yazar.
5) İmam Sadiqdən (ə) nəql olunmuşdur ki, həzrət Peyğəmbər (s) buyurmuşdur: «Gecə namazı qılmaq məqsədilə yuxudan durub öz yatağında oturduğunuz zaman belə deyin:

Transkripsiya	Tərcümə	Ərəbcə
Əllahummə la tu`minni məkrək, və la tunsini zikrək, və la təc`əlni minəl ğafilin, əqumu saətə kəza və kəza.	İlahi, məni Öz tədbirindən qoru, zikrini mənə unutdurma, məni qafillər sırasına qatma və filan saatda yuxudan durmağı mənə nəsib et!	اللَّهُمَّ لا تُؤْمِنّي مَكْرَكَ، وَ لا تُنْسِني ذِكْرَكَ، وَ لا تَجْعَلْني مِنَ الْغَافِلينَ، اَقُومُ سَاعَةَ كَذَا وَ كَذَا

*Kəza və kəza yerinə durmaq istədiyiniz saatı deyin.
Çünki Allah-Taala buna əməl edən hər bir şəxsə bir mələk vəkil qərar verər ki, hər gün onu gecə namazı vaxtı yuxudan oyatsın.
6) O həzrət belə buyurmuşdur: «Sizlərdən hər biriniz gecə yuxudan durmaq istədikdə, belə desin:

Transkripsiya	Tərcümə	Ərəbcə
Subhanəllahi rəbbin nəbiyyin, və ilahil mursəlin, və rəbbil mustəz`əfin, vəl həmdu lillahilləzi yuhyil məvta, və huvə əla kulli şəy`in qədir.	Peyğəmbərlərin Rəbbi, elçilərin məbudu və acizlərin Rəbbi olan Allah bütün eyiblərdən pak və uzaqdır. Ölüləri dirildən və hər bir şeyə qadir olan Allaha həmd olsun!	سُبْحَانَ اللهِ رَبِّ النَّبِييّنَ، وَ اِلَهِ الْمُرْسَلينَ، وَ رَبِّ الْمُسْتَضْعَفينَ، وَالْحَمْدُ للهِِ الَّذي يُحْييِ الْمَوْتَى، وَ هُوَ عَلَى كُلِّشَيْءٍ قَديرٌ

Şübhəsiz ki, bunu deyən şəxsə Allah taala buyurar: “Mənim bəndəm düz dedi və şükr etdi.”
7) Əbdürrəhman ibni Həccac rəvayət etmişdir ki, İmam Sadiq (ə) gecənin sonunda yuxudan durub, uca səslə deyərdi:

Transkripsiya	Tərcümə	Ərəbcə
Əllahummə əinni əla həvlil muttələ`, və vəssi` ələyyə ziyqəl məzcə`, vərzuqni xəyrə ma qəbləl məvt, vərzuqni xəyrə ma bə`dəl məvt.	İlahi, qiyamətin qorxusunda mənə kömək et, qəbrimin darlığını genişləndir, ölümdən qabaq və sonra mənə xeyir nəsib et!	اللَّهُمَّ اَعِنّي عَلَى هَوْلِ الْمُطَّلَعِ، وَ وَسِّعْ عَلَيَّ ضيقَ الْمَضْجَعِ، وَارْزُقْني خَيْرَ مَا قَبْلَ الْمَوْتِ، وَارْزُقْني خَيْرَ مَا بَعْدَ الْمَوْتِ