Dua: Bəlalar zamanı oxunan dualar
1) Həzrət Peyğəmbərdən (s) nəql olunmuşdur ki, o həzrət belə buyurmuşdur: «Hər kəsə qorxu, ya qəm-qüssə, və ya bəla üz gətirdikdə, bu duanı oxusun»
| Transkripsiya | Tərcümə | Ərəbcə |
|---|---|---|
| Əllahu rəbbi la uşriku bihi şəy`a, | Mənim Rəbbim Allahdır. Mən Ona heç bir şeyi şərik qoşmuram. | اَللهُ رَبّي لا اُشْرِكُ، بِهِ شَيْئاً |
| təvəkkəltu ələl həyyilləzi la yəmut. | Heç vaxt ölməyən diri Allaha təvəkkül edirəm. | تَوَكَّلْتُ عَلَي الْحَيِ الَّذي لايَمُوتُ |
2) İmam Zeynəlabidindən (ə) nəql olunmuşdur ki, o həzrət öz oğluna belə buyurdu: «Ey oğlum! Sizin hər birinizə bir müsibət üz gətirdikdə, dəstəmaz alıb 2, yaxud 4 rəkət namaz qılın və namazdan sonra belə deyin:
| Transkripsiya | Tərcümə | Ərəbcə |
|---|---|---|
| Ya məvziə kulli şəkva, və ya samiə kulli nəcva, və ya şahidə kulli məl`a, və ya alimə kulli xəfiyyəh, və dafiə ma yəşau min bəliyyəh, və xəlilə İbrahimə və ya nəciyyə Musa, və ya mustəfiyə Muhəmmədin salləllahu ələyhi və alih, | Ey bütün şikayətlərin mərkəzi, ey bütün sirləri eşidən, ey bütün yığıncaqlarda hazır olan, ey bütün gizli işlərdən xəbərdar olan, ey istədiyi bəlanı dəf edən, ey İbrahimin dostu, ey Musanın sirdaşı və ey Muhəmmədi (Allahın salamı olsun ona və Əhli-beytinə) (peyğəmbərliyə) seçən! | يَا مَوْضِعَ كُلِّ شَكْوَى، وَ يَا سَامِعَ كُلِّ نَجْوَى، وَ يَا شَاهِدَ كُلِّ مَلْئاَ، وَ يَا عَالِمَ كُلِّ خَفِيَّةٍ وَ يَا دَافِعَ مَا يَشَاءُ مِنْ بَلِيَّةٍ، يَا خَليلَ اِبْرَاهيمَ، وَ يَا نَجِيَ مُوسَى، وَ يَا مُصْطَفِيَ مُحَمَّدٍ صَلَّي اللهُ عَلَيْهِ وَ آلِهِ |
| əd`ukə duaə məniştəddət faqətuh, və qəllət hilətuhu və zəufət quvvətuh, duaəl ğəribil ğəriqil muztərrilləzi la yəcidu likəşfi ma huvə fihi illa ənt, ya ərhəmər rahimin. | Səni möhtac, çarəsiz, gücsüz, qərib, boğulan, sərgərdan və çətinliklərini Səndən başqa heç kimin aradan qaldıra bilmədiyi bir şəxs kimi çağırıram, ey mehribanların ən mehribanı! | اَدْعُوكَ دُعَاءَ مَنِ اشْتَدَّتْ فَاقَتُهُ، وَ قَلَّتْ حيلَتُهُ، وَ ضَعُفَتْ قُوَّتُهُ، دُعَاءَ الْغَريبِ، الْغَريقِ الْمُضْطَرِّ الَّذي لايَجِدُ لِكَشْفِ مَا هُوَ فيهِ اِلاََّ اَنْتَ، يَا اَرْحَمَ الرَّاحِمينَ |
3) İmam Sadiq (ə) buyurmuşdur: «Həzrət Yusifin (ə) qardaşları onu quyuya atdıqdan sonra, Cəbrail (ə) onun yanına gəlib dedi: «Yusif (ə)! Burada nə edirsən?» Həzrət Yusif (ə): «Qardaşlarım məni bu quyuya atıb getdilər» – deyə cavab verdi. Cəbrail (ə) dedi: «Buradan çıxmaq istəyirsənmi?» O həzrət dedi: «Buradan çıxmağım Allahın istək və iradəsinə bağlıdır.» Cəbrail (ə) dedi: «Allah Təala buyurur: «Əgər Yusif bu duanı oxusa, onu oradan çıxararam.» Yusif (ə) dedi: «O hansı duadır?» Cəbrail (ə) dedi: «Həmin dua belədir»[1]
| Transkripsiya | Tərcümə | Ərəbcə |
|---|---|---|
| Əllahummə inni əs`əlukə biənnə ləkəl həmd, | İlahi, mən Səndən istəyirəm! Həqiqətən, həmd Sənə məxsusdur. | اللَّهُمَّ اِنّي اَسْئَلُكَ بِاَنَّ لَكَ الْحَمْدَ |
| lə ilahə illa əntəl mənnan, bədius səmavati vəl ərz, zul cəlali vəl ikram, | Səndən başqa heç bir tanrı yoxdur. Sən minnət sahibi, göyləri və yeri yaradan, calal və kəramət sahibisən. | لا اِلَهَ اِلاََّ اَنْتَ الْمَنَّانُ، بَديعُ السَّمَاوَاتِ وَالاَرْضِ، ذُوالْجَلالِ وَالاِْكْرَامِ |
| ən tusalliyə əla Muhəmmədin və ali Muhəmmədin və ən təc`ələ li mimma ənə fihi fərəcən və məxrəca. | (Səndən istəyirəm ki,) Muhəmməd və Muhəmmədin Əhlibeytinə salam yetirəsən, məni fərəc və genişlikdə qərar verəsən. | اَنْ تُصَلِّيَ عَلَى مُحَمَّدٍ وَ آلِ مُحَمَّدٍ، وَ اَنْ تَجْعَلَ لي مِمَّا اَنَا فيهِ فَرَجَاً وَ مَخْرَجَاً |
4) İmam Sadiqdən (ə) belə nəql olunmuşdur : «Hər kəs zalım şahın yanına getmək istəsə, bu duanı oxusun»
| Transkripsiya | Tərcümə | Ərəbcə |
|---|---|---|
| Billahi əstəftihu və billahi əstəncih, və bi Muhəmmədin salləllahu ələyhi və alihi ətəvəccəh, | Allahın vasitəsilə qələbə və səadət diləyir, Muhəmmədə (Allahın salamı olsun ona və Əhlibeytinə) üz tuturam. | بِاللهِ اَسْتَفْتِحُ، وَ بِاللهِ اَسْتَنْجِحُ، وَ بِمُحَمَّدٍ صَلَّي اللهُ عَلَيْهِ وَ آلِهِ اَتَوَجَّهُ |
| Əllahummə zəllil li suubətəhu və səhhil li huzulətəh, fəinnəkə təmhu ma təşau və tusbitu və indəkə ummul kitab. | İlahi, onun (qələbənin) eniş-yoxuşlarını mənə ram et və çətinliyi asanlaşdır ki, həqiqətən, Sən istədiyini məhv edir, istədiyini isə saxlayırsan və kitabın əsası Sənin yanındadır. | اللَّهُمَّ ذَلِّلْ لي صُعُوبَتَهُ، وَ سَهِّلْ لي حُزُونَتَهُ، فَاِنَّكَ تَمْحُو مَا تَشَاءُ، وَ تُثْبِتُ وَ عِنْدَكَ اُمُ الْكِتَابِ |
Mənbə:
[1] Şeyx Kuleyni — Usuli-kafi, c 2, səh 556, hədis 4
