Gecə-gündüz ərizində əməllər

Allahı hər zaman yad etmək
Nəzərə alsaq ki, mömin, Allaha şükür etmək istəyən, nəfsin və şeytanın vəsvəsələrindən qorxan insanlar daim Allahı yad etmək istəyirlər; onlar günün işlərinə başlayarkən və məişət işlərini başa çatdırarkən, hətta gün ərzində məişət işləri ilə məşğul olarkən Allahla əlaqələrini qoruyub saxlamaq istəyirlər; səhər açılarkən Allahı, Onun qüdrət, elm və rəhmətini yad edərək məişət işlərinə başlamaq və gecə Allahı zikr edib gün ərzində yol verdikləri səhvlərə və işlətdikləri günahlara görə Ondan bağışlanma diləyib başlarını yastığa qoymaq istəyirlər; hər zaman o hami və kərim Allahın pənahında və himayəsində olmaq istəyirlər, bu səbəbdən də Məsumların (ə) hədislərində həftənin günləri, gecə və gündüz saatları, xüsusilə də cümə günü və gecəsi üçün müəyyən əməllər və vəzifələr bəyan olunubdur. Söz yox ki, bütün bu əməlləri yerinə yetirmək hamı üçün müyəssər deyildir və buna görə də tövsiyə olunur ki, hər kəs gücü və vaxtı çatdığı qədər bu əməllərdən yerinə yetirsin.

Bu əməlləri 10 fəsilə ayırmaq olar:
1) “Fəcr” doğan vaxt yerinə yetirilən əməllər
2)“Beynul-tulueyn” vaxtı yerinə yetirilən əməllər
3) Qürub və şam vaxtı yerinə yetirilən əməllər
4) Sübh və şamın müştərək əməlləri
5) Yatan vaxt yerinə yetirilən əməllər
6) Yuxudan oyandıqda və səhər çağı yerinə yetirilən əməllər
7) Hər gün oxunan dualar
8) Həftənin günlərinin duaları
9) Cümə gecəsi və cümə gününün fəziləti və əməlləri
10) Həftənin günlərinin ziyarətləri